SWISSBO
Bim schwizerisch-kanadische Ungernähme si mir verantwortlech für ds Erschiinigsbiud und füre Webuftritt.
Arbeite
Hie findet Dir e Uswau von Arbeite vo üsere Wärbeagentur.
Imada AG Immobilien-Treuhand
Bi dr Übernahm dür nöii Bsitzerinne hei mir für d Bieler Immobiliefirma es nöis Logo und Erschinigsbiud entworfe.
Foyer Schöni
D Schtiftig, wo Mönsche mit psychosoziale Schwierigkeite e Wohn- und Arbeitsmüglechkeit bietet, ungerstütze mir sit Johre in dr Kommunikation.
Moveri AG
D Firma, wo unger anderem ir Schwiz meh aus 330 Miniprix- und Ruedi-Rüssel-Tankschteue het, berate mir i schtrategische und kommunikative Belange.
Stadt Bieu
Für d Stadt Bieu hei mir i Zämenarbeit mit Campfire GmbH ds nöie Corporate Design erarbeitet.
Das nachdäm mir bereits vo 1998 bis 2004 es Marketing- und Kommunikationskonzept für d Zeit vor, während und nach dr Landesaussteuig Expo.02 realisiert hei.
Hans Stöckli
Sit viune Johr ungerschtütze mir dr Ständerat Hans Stöckli bi de Wahle in de Bereiche Kommunikation und Strategie.
Christo u Jeanne-Claude
Mit em Christo und dr Jeanne-Claude isch 2004 ds wäutwit wahrschiinlich bekanntischte Künschtler-Ehepaar nach Bieu cho, wo sie im Kunschthus Pasquart e Usschteuig zeigt hei, wo d Öffentlichkeit in dere Form no nie gseh het.
Kronaby
Für Braloba AG, d Schwizer Kronaby-Verträtig, füehre mir e Online-Kampagne, um die jungi schwedischi Uhremargge ir Schwiz bekannt z mache.
Brodbeck AG
D Brodbeck AG, Schpezialischtin für ds Verlege vo Bodebeläg, ungerstütze mir im Teggscht- und Kommunikationsmittuberiich.
Geno-Apothegge
D Bieler und Längnouer Apothegge hei üs mit der Nöikonzipierig vo ihrere Website beuftreit.
Gymnasium Biel-Seeland
Für d Bieler Mittuschueu realisiere mir diversi Kommunikationsmittu zur Information vor aktueue und künftige Schüelerschaft.
Camille Bloch
Für e Chocolatier us em Bärner Jura mit sine wäutbekannte Spezialitäte Ragusa und Torino realisiere mer regumässig Einzuprojekt.
Swatch B2B
Für d Business to Business Abteilig vo Swatch designe mir Uhrearmbänder, Loops, Sleeves und Verpackige.
Schtiftig Horizonte Sutz
D Schtiftig Horizonte Sutz bietet Mönsche mit ere geischtige Behinderig es Deheime und Arbeitsmüglechkeite. Sit viele Johr si mir für ds Erschiinigsbiud verantwortlech und gschtaute diversi Kommunikationsmittu.
Tierschutzverein Biel-Bienne-Seeland-Jura bernois
Mir ungerschtütze die wichtigi Arbeit vom regionale Tierschutzverein zugunschte vo notlidende Tier mit emene nöie und moderne Erschiinigsbiud.
Cocuma Caffè
Die innovativi Bieler Kaffeeröschterei berate und ungerschtütze mir bim Ufbou und bi der Füehrig vo ihrere Margge.
Haute école ARC
Für d Fachhochschueu Arc si mir i de Beriich Web- und Logo-Uftritt tätig.
Anklin AG
D Anklin AG isch eis vo de schwizwit füehrende Ungernähme im Beriich vor Endoskopie. Mir ungerschtütze d Riinacher Firma mit dr Gschtautig vo diverse Kommunikationsmittu.
Eidg. Vouksinitiative Ja zum Schutz der Kinder und Jugendlichen vor Tabakwerbung
Für d Ungerschriftesammlig zur Initiative, wo Ching und Jugedlichi vor Tabakwärbig wott schütze, hei mir der Uftritt gschtautet und umgsetzt.
beco Bärner Wirtschaft
Währet siebe Johr hei mir für d Voukswirtschaftsdiräktion vom Kanton Bärn e Sensibilisierigskampagne für Jugedlichi zum Thema Luftreinhautig realisiert.
Swatch Group
Für d Swatch Group si mir im Rahme vo Einzuprojekt tätig.
Porsche Schwiz AG
Für d Porsche Schwiz AG si mir währet siebe Johr für d Gsamtkommunikation zueschtändig gsi. Das Mandat het di schtrategischi Beratig und Planig, d Kreation und Dürefüehrig vo sämtleche Kommunikationsmassnahme, ds Projektmanagement, Koordinationsufgabe mit diverse Partner sowie d Budgetierig und Choschtekontroue vom dütsche Schportwagehärschteuer ir Schwiz umfasst.
Bärner Gsundheit
Sit 2007 realisiere mir Kampagnene und Einzuprojekt, wo ds Aagebot vor Schtiftig für Gsundheitsförderig und Suchtfrage bekannt mache.
