Dateschutzerklärig
1. Umgang mit Date
Damit mir Öii Aafrag chöi bearbeite, schpichere mer gwüssi Date. Mir verarbeite fougendi pärsönlechi Date, ou Pärsonedate gnennt:
- Vorname
- Name
- Poschtleitzau
- Wohnort
- Telefonnummere
- E-Mail-Adrässe
- IP-Adrässe
Öii Pärsonedate wärde für maximau sächs Monet bi üs gschpicheret, usser Dir heit öich füre Newsletter aagmäudet (Punkt 4). Öii Pärsonedate gäbe mir ohni Öii Iiwilligung nid witer, usser es beschteiht e gsetzlechi Pflicht derzue.
Achtung: Wenn Dir pär Formular uf dr Website oder pär E-Mail mit üs Kontakt ufnähmet, passiert das über ds öffetleche Internet. Die übermittlete Date chöi vo unbefuegte Dritte gläse wärde. Für vertoulechi Aafrage nützet darum d Chat-Funktion uf üsre Website oder ds Telefon. Die Kommunikationskanäu si verschlüsslet und sicher.
2. Cookies
Üsi Website verwändet Cookies. Dodermit cha Cermusoni ID dr Webuftritt verbessere und e nutzerfründleche Service bereitschteue. Di Cookies handlet es sech um chlini Teggschtdateie, wo mit Hiuf vom Browser uf Öiem Computer, Tablet oder Handy abgleit wärde und es üs ermügleche, d Nutzerinne und Nutzer vo üsere Website wiederzerkenne. Sie richte kei Schade aa.
Dir chöit Öie Browser so iischteue, dass Dir ds Setze vo Cookies für beschtimmti Fäu oder ou ganz usschliesset, so dass künftig kei Erfassig vo Öine Date bim Bsuech vo üsere Website stattfindet.
Uf de fougende Site findet Dir Erlüterige, wie Dir d Verarbeitig vo Cookies bi de gängigschte Browser chöit konfiguriere:
Microsofts Windows Internet Explorer
Microsofts Windows Internet Explorer Mobile
Mozilla Firefox
Google Chrome für Desktop
Google Chrome für Mobile
Apple Safari für Desktop
Apple Safari für Mobile
D Deaktivierig vo Cookies cha derzu füehre, dass Dir nid aui Funktione vo üsere Website chöit nutze.
3. Google Analytics
Üsi Website verwändet ds Programm Google Analytics zur Analyse vor Nutzig vo üsere Website. Doderzue wird Öii IP-Adrässe verwändet. D Informatione vo Öire Nutzig vo üsere Website wärde uf ne Server vo Google i de USA übertrage und dört gschpicheret.
Dir chöit das verhindere, indäm Dir ufe ungestehend Link klicket. Dür das wird i Öiem Browser es “Opt-Out-Cookie” inschstalliert, so dass künftig bim Bsuech vo üsere Website ke Erfassig vo Öie Date schtattfindet: Google Analytics deaktivieren
D Deaktivierig cha derzue füehre, dass Dir nid meh aui Funktione vo üsere Website chöit nutze.
4. Newsletter-Abonnemänt
Dir heit d Müglechkeit, über d Website üse Newsletter z abonniere. Doderfür bruche mir Öii E-Mail-Adrässe und Öii Aamäudig. Dodermit gäbet Dir Öies Iiverschtändnis füre Bezug vo üsem Newsletter. Dr Newsletter chöit Dir jederzit abbschteue.
Für ds Versände vom Newsletter verwände mir ds Programm MailChimp. Dr Newsletter cha e nid sichtbari Grafik enthaute, wo üs drüber Uskunft git, öb Dir ne uufto heit und uf weli Links Dir klickt heit. Mir nutze die Date für schtatistischi Zwäck. Die nid sichtbari Grafik wird glöscht, wenn Dir dr Newsletter löschet.
Damit Dir dr Iisatz vor nid sichtbare Grafik verhinderet, schteuet Dir Öies E-Mail-Programm so ii, dass Öii E-Mails nid im HTML-Format (Fotine und Grafike wärde dargschteut), sondern im Teggscht-Format aazeigt wärde.
Witeri Details zum Dateschutz vo MailChimp (uf Änglisch).
5. Öii Rächt
Dir heit ds Rächt:
- uf ne choschtelosi Uskunft, weli Pärsonedate vo Öich gschpicheret si
- dass Öii Date glöscht wärde
- fautschi Date vo Öich z korrigiere
- z widerschpäeche, dass Öii Pärsonedate dörfe verarbeitet wärde
- e Beschwärde a d Dateschutzufsichtsschteu vom Kanton Bärn iizreiche (info.datenschutz@jgk.be.ch, Münstergasse 2, 3011 Bern)
6. Wie Dir üs erreichet
Bi Frage zum Dateschutz erreichet Dir üs unger
info@cermusoni.ch oder Telefon 032 344 80 50